بوابة النويدرات البوابة الإعلامية لقرية النويدرات
طفى نوره الهادي وظلمت بيوتي
يحيدر قبل شيله جيب تابوتي
* * * * *
يحيدر لا تطلعه تبعده عني
قبل دفنه يحيدر قوم ودفني
بالك تدفن الهادي وتتركني
شبيدي صار يومه من قبل موتي
* * * * *
اعيش شلون مال بالعمر حاجة
تقضى عمر ابوية وانطفى اسراجه
عالجته ولكن ما وفى علاجه
وافراقه شعبني وانحل لقوتي
* * * * *
ويه يا نور عيني للحسن طالع
ورى نعش النبي وعمامته نازع
بو السجاد ذوبني النعل خالع
على جده ينادي بقلب مبهوتي
* * * * *
طالع ويا عزي قول عزمك وين
رايح مسجده يصلي بالمسلمين
لو رايح تدفنه يا ابو الحسنين
شايل من على تابوت لاهوتي
* * * * *
قلها يبنت المعروف بالحسنى
ردي وتاج عزش أيسي منه
عزش شايلنه الساع با دفنه
خفي من البجى ولحجرتش فوتي
* * * * *
قالت ويا نور العين لحدني
مقدر ادخل محياه يوحشني
ما اريد الدنية يوم فارقني
لشق الجيب لجله وارفعن صوتي
