بوابة النويدرات البوابة الإعلامية لقرية النويدرات
بالوفى أم عباس ياهو اللى يضاهيها
للأبد يبقى الوفى يخجل يجاريها
يم البنين وين مثلج في البشر
تفدي لحسين بالذراري والعمر
من يضاهيها
* * *
ياهي مثلج بالحراير يا نسل لطياب
من بعد فاطم حليلة حق داحي الباب
فزيتي ببيت النبوة بتربية لنجاب
والحسن وحسين خيه أشرف الأنساب
تذبل العين لجل أشبال الطهر
بخدمة حسين مهجتي وضي النظر
روحي افنيها
* * *
جيت بيتك ياعلي واستأذن الأطهار
خادمة لهم يقبلوني ياعلي بالدار
والله لخدمهم بعيني مهجة المختار
وبرضى الزهرا البتولة يرتضي الجبار
ورضى لثنين غايتي بهذا العمر
وآنه الحين خادمتهم وأفتخر
ولا أوفيها
* * *
يالأسمها تنكرت له و صاحت بحيدر
لا تناديني يفاطم مهجتي تسعر
من تناديني أشوف الحسن يتكدر
والشهيد حسين اسمع صوته يتزفر
أسمع ونيـن زينب ودمعي يخر
يابو حسين حق ضلع المنكسر
لاتبجيها
* * *
يا جليلة صار قولش فرض مو سنة
شلونها مودة القربى تفعلت منه
ودار حيدر في وجودش أصبحت جنة
يم الأقمار المضيئة تساطعت منه
ومن أبو حسين جبتي ال خيه قمر
يروي الدين يوم عاشر بالنحر
يعتلي فيها
* * *
ياهو مثلج صار أبو السجاد قبلتها
تجعل الأولاد حوله تطوف كعبتها
توصي الحورا ترى أنتو رهن إشارتها
تقول بو فاضل الحورا تقود ناقتها
راس والعين فدوة ليها والصدر
وهاي كفين تحمي عن هذا الخدر
الحورا افديها
* * *
يلي عند الله وجيهة شلون وفاية
تقول كل الأولاد تفنى بشايل الراية
لو يضل عباس مرمي بالمسنايه
بس عزيزي حسين سالم منتهى الغاية
ياضو العين لو يذبحون القمر
يرد لحسين سالم وقلبي يسر
وزينب الفيها
