بوابة النويدرات البوابة الإعلامية لقرية النويدرات
دوحة نور قدسية
ودرة تظل مكنونة
سر حكمة إلاهية
بسم زهراء يطوونه
أسم لكن معانيه
محال الناس يفسرونه
صدق راضية ومرضية
وبتولة وحلة مزيونة
نعم فكر اجل كوثر
بعد أكثر وللمحشر
سرها للابد مجهول
قدرها ما يبلغونه
مثلها وين بالنسوان
من حواء وذراريها
لا مريم بنت عمران
لا آسيا تجاريها
خديجة بت خويلد بان
عزها من حملت بيها
وصارت سيدة نسوان
أولها وتاليها
الأبو طه وشبلاها
ضو سماها وتتباها
بزوج الما كفو واحد
على الزهرا يزوجونه
يمن باهى النبي بيها
وبحيدر علي الكرار
طلع حامل لشبليها
يباهل عصبة الأحبار
لفو والكل خضع ليها
ولبوها وباقي الأطهار
تزول اليوم عاليها
اذا باهلنا هالأقمار
تزول جبال نخوض أهوال
لجل الآل هذا محال
عذرا يا رسول الله
ولا قدرو يباهونه
يوصي على المنابر دوم
مني فاطمة بضعة
ونجم اللي هوى معصوم
ما يحجي هوى وبدعة
ولو ما آمر القيوم
ما قام النبي وعى
ولهذا صبح ملزوم
يظهر دينه وشرعه
أصل الدين والتكوين
أم حسين علكونين
ولهذا السبب حارو
سر فاطم يدركونه
يمن رب العرش خصها
جليلة بمحكم بمحكم القرآن
تشهد آية التطهير نصها
وسورة الرحمن
حسن وحسين لخصها
الباري لؤلؤ ومرجان
منظومة عقد رصها
فخر توج به الأديان
معدن جود ما موجود
والمعبود خصها بزود
يرضى الخالق ويغضب
لجل فاطمة المكنونة
