وداع القاسم للشاعرة نزهة عباس البربوري

ودعيني ٠٠٠٠ يمه رملة ودعيني
ودعيني …. للجهاد تحشميني
ودعيني ٠٠٠٠ ساعة يمه وتنظريني
ودعيني ….. ولازم اتوسد يميني
ودعيني ….. وصية لازم تذكريني
ودعيني …. على حقوقش سامحيني

روح يبني…. هذا حقي يا شفية
روح يبني…. التضحية عليك وعليه
روح يبني….. لعمك الطاهر هدية
روح يبني ….وارضي الزهرة الزجية
روح يبني …. شعاد لو ذبحوك ليه
روح يبني ….. هذا عز وفخر ليه

عمة زينب ….عمة زينب يا المصونة
عمة زينب ….من طلعنا من المدينة
عمة زينب ….قلت وقولي تسمعينه
عمة زينب … لا تقولي الوعد وينه
عمة زينب ….ضيعتش غصبا علينا
عمة زينب٠٠٠٠بذمتش أمي هالحنونة

روحي جاسم….شبيد هالعمة عليكم
روحي جاسم….لو بكيفي افتديكم
روحي جاسم .محنتي شمعظمها فيكم
روحي جاسم…. ذابت المهجة عليكم
روحي جاسم…. مقدر اتحمل حجيكم
روحي جاسم ….عفتنا بولية عدوكم