بوابة النويدرات البوابة الإعلامية لقرية النويدرات
زينب فرت بدهشة من سمعت نعي جبريل
حسن يحسين يخواني دخبروني بلا تمهيل
* * * * *
دخبروبني ينور العين صوت اللي هوى أركاني
ومرد دلالي وخلى الفكر مدهوش يخواني
على من هالنداء والكون متغير شكل ثاني
وانا قلبي يحس بالشر وعيني بس دمعها يسيل
* * * * *
ينادي الصوت بالعالي انفصمت عروة الوثقى
واركان الهدى انهدت وطويت راية الاتقى
واتقى الاتقياء اليوم غاله بالصلاة الاشقى
وخلى العرش والاكوان كلها لجل حاله تميل
* * * * *
ولن الارض كلها تموج والكل نصدع رايه
ورجه بالارض ترجف وكل الناس بچايه
ولمة بجامع الكوفة واهلها عليه نعايا
وصلاة الفجر منكوبة وتسعدها صلاة الليل
* * * * *
تريد الخبر كل الناس بس ياهو خبر ميشوم
ترا مجدل فوارسها نشطر راسه بشهر الصوم
ومن فوق المصلاة سال من هام الوصي لدموم
وفرت كل بني هاشم من حوله تصيح الويل
* * * * *
حسن وحسين والعباس ومحمد لفو بهمه
ومن حول الوصي صارت من الاواد هاللمة
يصيح الحسن اه يحسين ملزوم الوصي نلمه
ابونا يا عضيدي نصاب خلنا نحمله بتهليل
* * * * *
على الاكتاف داحي الباب شالوه بدمع مهتون
ياهو اللي يظن هاللي مجدل والخلق يمشون
ابو الحسنين لا قرت الى عدوانهم لعيون
ياهي ساعة القشرة تخلي الجسد منها نحيل
* * * * *
ياهي ساعة صعبه على الحوراء وميشومه
سم الله على قلب زينب من الفجعه المحتومه
تقل له يا عماد الدين واللي مأسس علومه
كتاب الله بجى بدموع وبلوعه بچى الانجيل
* * * * *
ينادي به كتاب الله يميزان العدل حيدر
تبچي سورة الانسان لجله وسورة الكوثر
والانجيل يبجي عليه يا إليا ابو شبر
ضاعت فيك هالاحكام هاللي ظلت بلا كفيل
* * * * *
مقاس الدين مقياسه وغيره أبد مايصلح
لدولة يدير إمرتها وكل لبواب تتفتح
رسول الله يثني عليه ورب العرش إله يمدح
يمظلوم انظلم من يوم كبله الرجس تكبيل
* * * * *
لو إن حيدر حكم فالناس من أول ومن تالي
نسينا يوم لقيامة جنة ونار يموالي
فلا يبقى بعد مظلوم لا ظالم ولا مغالي
بميزان العدل يحكم في الملة ويوفي الكيل
* * * * *
من واروه عنا وشال بعلومه و احكامه
صبحنا بدولة التمييز كل من غص بآلامه
ثكلت بيه أراملنا و ضاعت بيه أيتامه
و الباطل حكم فينا و ضاعت سنة التنزيل
* * * * *
عاين يالموالي وشوف علة هالظلم والجور
قوَّض و الظلم عتم و بيرقنا صبح مكسور
لهذا اليوم والظلام شغلتها تادي نذور
و اللي صاب أبو الحسنين نفسه إلي سقانا الويل
* * * * *
يحيدر رِد يا داحي الباب رِد لينا كرامتنا
يمنجي العذراء قوم حرر كل حرايرنا
نريدك ياعلي تحضر ونعمِّر بيك دولتنا
نريدك للفقير عماد يمصلي صلاة الليل
* * * * *
