بوابة النويدرات البوابة الإعلامية لقرية النويدرات
يبن أخوية شصار بيها الباكية
نامت من التعب لو هي غافية
***
بهدل حوال اليتيمة هالسبي
شلي صابج يا رقية جاوبي
قال رفعي الصغرى عن هامة ابي
ماتت وفاضت نفسها الزاكية
***
طاحت براسج يعمة فاجعة
ارفعيها قيدتني الجامعة
راحت تهرول اليها مسرعة
تهمل عليها الدموع الجارية
***
يا رقية يا صغيرة كافلي
بالله تركي الموت لا تتعجلي
ادري بج طفلة و ما تتحملي
عفتي الدنيا ولعزج ماشية
***
يا جسد يحمل اسياط المؤلمة
ويا قلب ما يوقف لكل هالدمى
على الهضم والضيم ما متعلمة
مربّية بين الأحضان الدافية
***
مثل عزش ما حصل مثله دلال
بت هواشم سادة العزة والكمال
وهسه مرمية وجسمج كالخلال
توسد خدودج خرابة بالية
***
دابج تنوحي وعنه تسألي
عمة وين حسين و الاكبر علي
وين عباس ودلالي الاولي
حلت باهلج مصايب داهية
***
وشالت الراس الشريف ونادته
اه يخوية الحمل قلبي فتته
ماتت وبس راسك الا شافته
شلون لو شافت خيول الواطية
***
شلون لو شافت جثثكم بالعرى
وعاينت لضلوع كلها مكسرة
ساعد الله زينب علي اللي جرى
اه يروحي شلون بعده باقية
***
وارتفع لصياح والنوح عتلا
جددت عندهم مصايب كربلا
وسكنة تنحب يا رقية معولة
والله من حالج ضلوعي حانية
***
رحم الله من قرأ الفاتحة الى روح موتانا وموتاكم ومن مات على الإيمان
