بوابة النويدرات البوابة الإعلامية لقرية النويدرات
هذا الشهيد حسين والعباس خيه
والعابد السجاد بالجنة العلية
ولدان نصبت للشهيد حسين منبر
علقو الزينة والضيافة اولاد حيدر
لملاك حفت بالتحف والحور بالدر
كلمن حضر اجلال لبن الهاشمية
هذا ينادي شالخبر نعلق الزينة
وهذا ينادي اليوم مستبشر ولينا
والا بصوت انوار هالساعة تجينا
مثل لبدور الساطعة وجوه مضية
ولكبر علي إيرتل القران ترتيل
هالشهداء اللي هوت مثل القناديل
أحياء عند الله أطفال ورجاجيل
هناهم الله بالسعادة السرمدية
احياء عند ربهم ومن زاده يرزقون
جل اللذي ما يبخس وميزانه موزون
لا حساب لا برزخ ولا ساعة يوقفون
ويا الخلايق يوم تحشر بالسوية
وما بين ما هم يسمعو الايات ترشد
والا بصوت ارتفع صلو على محمد
لن الكواكب اقبلت والكل يردد
لبيك يا مولاي يا نسل الزجية
واقبل اليهم صاحب النفس العطوفة
اهلا وسهلا بريحة الشيعة الرؤوفة
جاهم ابو فاضل المقطوعة اجفوفة
يستقبل الاحرار بانوراه المضية
فزتو يأ احرار الذي عالي مجدكم
بجوار سيدكم ابو السجاد كلكم
بعتو الدنية واشتريتو الشرف لمكم
منهو مثلها تجاور الزهرة الزجية
نالت شرف ام الشهيد ابهالشهادة
واست الزهراء والنبي سيد السادة
واست على الكرار في مولد اولاده
تجالس الزهراء في مجالسها السنية
نزهة البربوري
27/5/2017
