بوابة النويدرات البوابة الإعلامية لقرية النويدرات
هند سمعت زينب بمجلس بني امية
تخطب وحسبتها علي راعي الحمية
بالخادمة التفت ومنها الفكر محتار
نزلي المجلس بالعجل شوفي الذي صار
شوفي المتكلم واظن حيدر الكرار
نشدي الخادم وارجعي بسرعة اليه
ونزلت بسرعة الخادمة تنشد الحراس
من هالذي يخطب بمجلسكم يهالناس
هذا علي الكرار لو ابنه العباس
جاها الخبر هذي الحورة الهاشمية
الحارس يقلها زينب ودمعه يتحدر
هذي وديعة أحمد الهادي وحيدر
طلعت وصيفة هند تصيح الله واكبر
يا هند هذي زينب الحورة الزجية
دشت المجلس حاسرة والكل يراها
من شافها يزيد الرجس اسلت رداها
صاحت تحجبني وتسلب بنت طه
اللله يقبح فعلكم يا بني أمية
نادى عليها والدمع بالخد بداد
الله فضحني وعجل عليه بن زياد
يدري بذبح حسين يغضب رب لعباد
رجعي لقصرش وانصبي عليه العزية
وصدت الى زينب وهي تلطم على الهام
يختي شجرى حتى تجيني لبلدة الشام
وين الاهل يمخدرة حيدر الضرغام
حسين وينة ووين عباس الشفية
