بوابة النويدرات البوابة الإعلامية لقرية النويدرات
. 🏴استشهاد اولاد مسلم🏴
طاهر يهلل و دمعه يهمله
ذبح لمطهر و دمه سيله
▪️▪️▪️▪️▪️
قطع راسه من الجسد شلت يديه
و الصغير يصيح واحزني عليه
من الفجيعه على أخوه أغشي عليه
قبال عينه ذابحين اعضيده إله
◼️◼️◼️◼️◼️
ضل يعاين دم اخوه من فجعته
نخطف لونه و غصب هلت دمعته
شافه إعلى القاع مخفي ونته
خر على جثة بن عقد الولا
◼️◼️◼️◼️◼️
يصيح خوية من ابويه اتيتمت
وعلى شوف أمي يخويه اتحسرت
بقيت لي شمعه يطاهر وانطفت
حالتي والله يخويه امبهدله
◼️◼️◼️◼️◼️
ليتني وياك الحق يا عطوف
ينقطع راسي يخويه بالسيوف
لكن إيش الفكر بمنا ما تشوف
حالة امي عقب وقعة كربلا
◼️◼️◼️◼️◼️
بعده على خوه يجذب حسرته
ولا بالطاغي لطمه ابوجنته
وضع سيفه ويح قلبي برقبته
ضل ينادي من الوحده على هله
◼️◼️◼️◼️◼️
رد الى طاهر وذبه بالثرى
لطم خده ووضع سيفه ابمنحره
جر سيفه و قطع راسه وهبره
وصارت الدنيا بهلها ابزلزلة
◼️◼️◼️◼️◼️
ضلت الأبدان ويلي تعتفر
الروس وداها الى نسل الكفر
العجوز اتصيح و المدمع يخر
وطلعت ذيك العجوز مولولة
◼️◼️◼️◼️◼️
و حالة الاطفال تشعب للقلب
لا لهم جرمة و لا ليهم ذنب
حسبي اعلى يزيد صار إلهم سبب
و السبب ولله مصايب كربلا
◼️◼️◼️◼️◼️
وين من يوصل لامهم بت علي
قلها بيتش ضل من اولادش خلي
قطعي آمالش عليهم و اعولي
خيب آمالش يزيد و حرمله
◼️◼️◼️◼️◼️
نزهة عباس البربوري
