آني زينب للشاعر عبد المنعم الشايب

زينب آني زينب اليحجوني عنّي

▪▪▪▪

قلبي طاف ابكربلا ويمّ الشهيد أحرَم
وأسعى بين المشرعة وما بين لِمخيّم
زمزم ومايَه جرَى من عيني لكن دَمْ
زينب آني الّي ذهلني عاشر امحرّم

▪▪▪▪

أقصد اليمّ الشريعه بو الفضل عندك
صِحِت ابْصوت المصيبه اشلون من شفتك
جثه يم الشاطي مرمي خويَ سامَحتَك
آه لو تنهض لي لحظه اتشوف حال اختكْ

▪▪▪▪

آني من صغري خيالي محّد ايشوفَه
بالخدر والصّون باسمي جنِت معروفَه
تالي أتسلّب وأمشي ابقيدي مـجتوفه
من وقع بالشاطي خويَه وقِطْعَوا اجفوفه

▪▪▪▪

آني الّي ما رحمني امن الألم دهري
أمشي مسبيّة وأذايَه أمسكه ابصبري
أحمل ابكفّي مصابي والدمع يجري
راح أخويه الّي كفلني وانكسر ظهري

▪▪▪▪

آجركم الله بمصاب عقيلة الطالبيين زينب (ع)

{ أبــ آيـه ــو }